Behrami për Xhakën: Nuk duhet t’i bëjë këto gabime

(KEYSTONE/Jean-Christophe Bott)

Ish-futbollisti shqiptar i kombëtares së Zvicrës, Valon Behrami, i ka bërë një analizë ndeshjes së skuadrës zvicerane pas barazimit me Danimarkën.

Sipas tij, rënia nga kategoria mbetet një kërcënim.

“Gjëja pozitive ishte se më në fund kishim më shumë rregull në lojë. Lojtarët i mbajtën më mirë pozicionet e tyre, vetëm Amdouni dhe Rieder bënë rotacion në sulm. Nuk ishte ende e jashtëzakonshme, por ne treguam disa qasje të mira në sulm”, shprehet Behrami.

Tutje ai ka numëruar edhe gabimet e kapitenit, Granit Xhakës.

“Më pas të martën, kapiteni Xhaka bëri dy gabime vendimtare. Në golin e parë, ai i shkujdesur ia dha topin kundërshtarit pas një faulli, kështu që nuk patëm kohë për t’u rigrupuar. Në golin e dytë, ai vetëm shikoi i ngurtësuar, në vend që të ndërhynte. Këto gabime nuk duhet të ndodhin”, thotë futbollisti.

Behrami thotë se duhet bërë përmirësime në mbrojtje dhe shqetësuese, sipas tij, është diferenca e madhe në cilësi mes lojtarëve të rregullt dhe zëvendësuesve./20minuten