Zvicra duhet të adaptojë ligjet për shkak të paktit të BE-së për azilin dhe migracionin

(KEYSTONE/Gaetan Bally)

Zvicra dëshiron të miratojë pjesë të paktit të BE-së për azilin dhe migracionin. Qeveria ka paraqitur për konsultim amendamentet e nevojshme në ligjin zviceran. Kjo do të zgjasë deri më 14 nëntor.

Këto janë zhvillime të mëtejshme të detyrueshme në zonën Shengen/Dublin, shkroi qeveria të mërkurën, transmeton albinfo.ch.

Për të zbatuar këto dispozita, Ligji për shtetasit e huaj dhe Ligji për azilin në veçanti duhet të ndryshohen.

Në procedurën e Dublinit rregullat e përgjegjësisë për procedurat e azilit duhet të mbeten në fuqi, por afatet për t’iu përgjigjur kërkesave për përgjegjësi duhet të shkurtohen. Transferimi i përgjegjësisë për një kërkesë për azil nga një shtet i Dublinit në tjetrin duhet të bëhet më i vështirë për të shmangur lëvizjet dytësore.

Rregullorja Eurodac gjithashtu do të rishikohet. Kjo synon të sigurojë ndërveprim me sistemet e tjera evropiane të TI-së. Ekziston edhe një procedurë për verifikimin e shpejtë të personave nga vendet e treta.