“Neutraliteti i rishikuar”: Qeveria zvicerane dëshiron lidhje më të ngushta me NATO-n dhe BE-në

Keystone EPA/STEPHANIE LECOCQ

Politika e sigurisë e Zvicrës së shpejti do të jetë në qendër të një debati të nxehtë në qarqet politike të vendit.

Më 29 gusht, Ministria e Mbrojtjes (DDPS) do të prezantojë raportin e një komisioni të ngarkuar me sigurimin e një plani “për politikën e sigurisë së viteve të ardhshme”, transmeton albinfo.ch.

Sipas burimeve të njohura me raportin, ai kërkon lidhje më të forta me Bashkimin Evropian, si dhe marrëveshje të mëtejshme me aleancën ushtarake të NATO-s, raporton thelocal.

Për të arritur këtë qëllim, qëndrimi afatgjatë i Zvicrës për neutralitetin duhet të përshtatet me këto marrëveshje bashkëpunimi, thuhet në raport, megjithëse nuk është e qartë se si mund të arrihet kjo.