Aktivistët e klimës mund të bllokojnë aeroportin e Cyrihut

Albinfo.ch

Aeroporti më i madh ndërkombëtar i Zvicrës, ai i Cyrihut, tashmë përjetoi ndërprerje të mëdha javën e kaluar, kur të gjitha mbërritjet e fluturimeve në mëngjesin e 19 korrikut u anuluan për disa orë për shkak të një ndërprerjeje të IT që goditi kompanitë në mbarë botën, përcjell albinfo.ch.

Edhe pse operimet kishin rifilluar në mesditën e asaj dite, aeroporti mund të goditet nga një situatë tjetër kaotike.

Më 27 dhe 28 korrik, një grup aktivistësh ndërkombëtarë të klimës të quajtur Gjenerata e Fundit, po planifikojnë protesta në shkallë të gjerë në një numër aeroportesh evropiane, duke përfshirë Cyrihun.

Nëse do të ndodhë siç është planifikuar, veprimi do të ndërpresë ndjeshëm funksionimin e aeroportit, duke përfshirë fluturimet e nisjes dhe mbërritjes, në mes të pushimeve verore.

Nga ana e tij, aeroporti i Cyrihut është përgatitur për ndërprerje të mundshme me një “plan gjithëpërfshirës sigurie” dhe është në kontakt të vazhdueshëm me policinë kantonale të Cyrihut, tha një zëdhënës.

“Këto veprime janë të paligjshme, pasi rrezikojnë sigurinë e infrastrukturës, operacionet e fluturimit dhe jetë njerëzore”, shtoi ai.