Reagimi i Xhakës dhe federatës zvicerane për Shaqirin

Kapiteni i Zvicrës, Granit Xhaka, ka reaguar pas vendimit të Xherdan Shaqirit për t’i dhënë fund karrierës me Zvicrën.

Xhaka në Instagram ka shpërndarë postimin e Shaqirit ku ai njoftoi për këtë vendim, derisa ka shkruar “faleminderit për të gjitha”.

Futbollisti me prejardhje nga Kosova konsiderohet si njëri prej lojtarëve më të mëdhenj të Kombëtares helvetike. Xhaka dhe Shaqiri për kohë të gjatë kanë luajtur së bashku te Zvicra, transmeton albinfo.ch.

Shaqiri ka njoftuar sot se i ka dhënë fund karrierës te Zvicra.

Federata e Futbollit e Zvicrës ka falënderuar Shaqirin për kontributin e dhënë për fanellën e Zvicrës.

“Dëshirojmë t’u falënderojmë shumë për paraqitjet e shumta të paharrueshme, për golat dhe asistimet e mrekullueshme në përfaqësuese dhe ju dëshirojmë të gjitha të mirat dhe shumë suksese në të ardhmen. Ju me lojën dhe golat tuaj keni prekur dhe pushtuar zemrat tonë dhe të tifozëve”, shkruan në njoftimin e Federatës së Futbollit të Zvicrës.