Norvegjia mban investime zvicerane me vlerë mbi 35 miliardë CHF

(KEYSTONE/Gaetan Bally)

Sipas CEO të Norges Bank, Nicolai Tangen, fondi sovran norvegjez i pasurisë mban investime në Zvicër me vlerë 35.5 miliardë CHF. UBS është investimi i saj më i madh: Norges ka një aksion prej më pak se 5%.

Norges Bank, banka qendrore e Norvegjisë, kishte gjithashtu një aksion në Credit Suisse (CS), i cili u mor nga UBS.

“Ne reduktuam aksionet tona pak para marrjes së kontrollit nga UBS, por nuk po japim ndonjë shifër konkrete për humbjet tona”, tha Tangen në një intervistë për gazetën SonntagsZeitung. “Një gjë që mund të them është se ne nuk kishim asnjë obligacion AT1, kështu që nuk humbëm asnjë para në bonot CS”, transmeton albinfo.ch.

Tutje ai ka shtuar se kanë bërë qartë një gabim me investimin tonë.

Në përgjithësi, megjithatë, Tangen është i kënaqur me investimet zvicerane: “Ne i duam investimet tona zvicerane. Zvicra ka kompani të shkëlqyera, menaxhim të jashtëzakonshëm dhe kompani fantastike ndërkombëtare”, shtoi ai.

Sipas Tangen, Norges menaxhon një total prej 1.6 trilion dollarësh. “Flukset hyrëse në tremujorin e parë të vitit 2024 arritën në 100 miliardë NOK (8.4 miliardë CHF), që është mesatarja për të gjithë tremujorët e vitit të kaluar,” tha ai.

Ndryshe, fondet vijnë nga të ardhurat e shitjeve të gazit dhe naftës nga shteti norvegjez.