Trafikimi i refugjatëve, më fitimprurës se tregtia me drogë!

Refugjatët kanë frikë të madhe për miqtë dhe familjet e lëna në Kosovë. Ata e dinë saktësisht se cilat struktura mafioze qëndrojnë mbrapa biznesit të kontrabandistëve

“Kosovës së vogël dhe të varfër po i ikin banorët”. Kështu fillon artikulli iportalit gjerman që merret me shkaqet e eksodit më të ri të kosovarëve drejt Gjermanisë. “Ndonëse zyrtarisht shkalla e papunësisë është rreth 27%, që sillet rreth mesatares në rajon, at nuk janë llogaritur kosovarët që “përkohësisht” jetojnë jashtë vendit. Nëse do të llogariteshin edhe ata, përqindja do të ngjitej në 50 ose 60%.

18% e banorëve jetojnë me më pak se nga 90 centë ndërsa 28% me më pak se nga 1.40 euro”

Më tutje artikulli merret me biznesin fitimprurës të kontrabandës me kosovarët. Vetëm taksi deri në kufi u merr nga 300 euro për person. Pasi që në Hungari ashtu si dhe në gjithë BE-në kosovarët si të vetmit evropianë ende nuk mund të hyjnie pa viza shumë prej tyre marrin pasaporta serbe. Bëhet fjalë për 60 mijë kërkesa. Edhe për këtë pasaportë duhet paguar.

Refugjatët nga Kosova vijnë të përgatitur në Gjermani. Ata e dijnë saktë se çka duhet të thonë e çka të heshtin, thotë Bernd Jäckel nga policia federale në Passau. Kështu, policët rrallë marrin informacione prej tyre lidhur me kontrabandistët. Refugjatët kanë frikë të madhe për miqtë dhe familjet e lëna në Kosovë. Ata e dinë saktësisht se cilat struktura mafioze qëndrojnë mbrapa biznesit të kontrabandistëve.

Ky biznes është më fitimprurës se tregtia me drogë”, thotë polici Martin Wiese. Natën e kaluar patrulla e tij ka kapur 40 kosovarë, shkruan mainnetz.de. “Shume prej tyre kanë shitur gjithë pasurinë për të paguar kontabanditët, Deri në 2000 eurp u kushton kalimi ilegal deri në Gjermani”: