Gjermania me pako 23 miliardë eurosh për uljen e taksave

@pixabay

Paketa prej 23 miliardë euro, e uljes së taksave, synon të mbështesë buxhetet e familjeve tashmë të prekura nga inflacioni. Kjo do të bëhet kryesisht duke rritur pragjet e tatimit mbi të ardhurat. Zvarritja fiskale ndodh kur inflacioni më i lartë çon në paga më të larta dhe i shtyn njerëzit në grupin tjetër tatimor.

Megjithatë, inflacioni më i lartë i konsumon shpejt çdo të ardhur shtesë të fituar nga punëtorët, pavarësisht se pagat e tyre po rriten.

Lëvizja tatimore e Gjermanisë pritet të jetë rreth 430 euro, për çdo të rritur me një punë në Gjermani dhe do të kryhet gjatë dy vjetëve të ardhshme, në tri faza.

Faza e parë do të jetë rritja e lejes pa taksa, në 12,336 € deri në vitin 2026. Kjo gjithashtu do të marrë parasysh, një rritje të prapambetur prej 180 € në 11,784 € në 2024.

Faza e dytë ka të ngjarë të zbatohet në janar të vitit të ardhshëm, ku pragu i lejimit pa taksa do të rritet me 300 euro të tjera në 12,084 euro. Faza e tretë pritet të shohë, që pragu më i lartë i normës së tatimpaguesit të rritet në 69,798 € në vitin 2026.

Ministri gjerman i Financave, Christian Lindner, ka theksuar se ky vendim është i drejtë, me qëllim që të ndryshohet sistemi tatimor për të reflektuar barrën e inflacionit mbi qytetarët në këtë moment. Kjo është për shkak se sistemi tatimor i vendit, nuk përshtatet automatikisht për inflacionin, siç është në vende të tjera si Kanadaja, SHBA dhe Zvicra.

Lindner ka hasur në kundërshtime nga partitë rivale. Kjo është kryesisht për shkak se Gjermania, mund të shikojë një ‘gropë’ buxhetore prej 20 miliardë deri në 25 miliardë euro, nëse jo më shumë, për buxhetin e vitit të ardhshëm. Lindner është veçanërisht i ashpër dhe vendos kufizime në nivelet e borxhit për shumicën e ministrive, përveç mbrojtjes.

Në këtë rast, ulja e taksave dhe e të ardhurave të qeverisë, mund të shihet si përkeqësim i mëtejshëm i çështjes buxhetore.

Gjermania tashmë është vënë nën vëzhgim të konsiderueshëm, nga organizata të tilla si Fondi Monetar Ndërkombëtar, i cili e ka këshilluar vendin të ndalojë frenimin e borxhit dhe të rrisë investimet publike. / Reuters