Ajeti: Kosova, destinacion për investime të kompanive gjermane

Ambasadori i Kosovës në Gjermani, Faruk Ajeti, është shprehur se tashmë Kosova po konsiderohet destinacion për investime të kompanive gjermane, përcjell albinfo.ch.

Ai së bashku me Konsullin e Përgjithshëm, Gëzim Gashi, zhvilluan një takim të frytshëm në Saarland me përfaqësues të Odës së Industrisë dhe Tregtisë së Saarlandit, me të cilët biseduan rreth bashkëpunimit të shkëlqyeshëm ekonomik ndërmjet Kosovës dhe Gjermanisë, si dhe për projekte konkrete mbi thellimin e bashkëpunimit me bizneset nga Saarlandi.