Prodhuesi zviceran i thikave të ushtrisë në përpjekje për të përmbushur kufizimet globale të tehut

Keystone

Victorinox është duke punuar në një thikë xhepi pa tehe. Rregullimi në rritje i thikave për shkak të dhunës në botë e ka shtyrë kompaninë zvicerane të rimendojë, tha në një intervistë CEO Carl Elsener.

Në Angli dhe disa vende aziatike, vetëm ata që kanë nevojë për një thikë për punë ose aktivitete në natyrë lejohen të mbajnë një të tillë. Në qytete, mbajtja e thikave të xhepit është shumë e kufizuar. Në vend të kësaj, Elsener ka në mendje një mjet shumëfunksional që mund të përdoret nga çiklistët, për shembull.

Kjo nuk është hera e parë që kompania përballet me faktin se tehu i thikës së xhepit shihet si një armë e mundshme, shkruan albinfo.ch.

“Pas sulmeve terroriste në SHBA më 11 shtator 2001, shitjet e thikave të xhepit ranë me mbi 30% brenda natës. 11 shtatori na tregoi me dhimbje se nuk duhet të bëhemi të varur nga një fushë e vetme biznesi”, tha Elsener për Blick.

“Kompania, me seli në Ibach në kantonin Schwyz, eksporton 80% të thikave të xhepit, thikave të kuzhinës, thikave profesionale dhe orëve të prodhuara në Zvicër. Rreth 20% e produkteve shiten në Zvicër”, ka shtuar tutje ai.

Për të kompensuar frangun e fortë zviceran, kompanisë do t’i duhet të rrisë automatizimin dhe riorganizimin në të ardhmen.

Sipas Elsener, Victorinox rriti çmimet për thika xhepi me 9%. Konkurrenca më e ulët në tregun e thikave të xhepit, krahasuar me shtyllën tjetër, thikat profesionale, kishte bërë të mundur rritjen e çmimit. Thikat profesionale të prodhuesit zviceran janë 25% më të shtrenjta se ato të konkurrentëve të tij.

Në këtë fushë, kompania duhet të konkurrojë me prodhuesit nga Gjermania ose Shtetet e Bashkuara të Amerikës.