Një 17-vjeçar pranon sulmin mbi politikanin e SPD-së

Lidhur me 17-vjeçarin nuk është dhënë asnjë informacion të detajuar, përveç faktit se ai ka pranuar autorësinë mbi krimin

Pas sulmit ndaj politikanit të SPD-së, Matthias Ecke (Partia Socialdemokrate e Gjermanisë), në Dresden, një autor i dyshuar u dorëzua në polici. 17-vjeçari ka pranuar krimin. Lajmi bëhet i ditur nga Zyra e Policisë Kriminale të Landit të Saksonisë.

Lidhur me 17-vjeçarin nuk është dhënë asnjë informacion të detajuar, përveç faktit se ai ka pranuar autorësinë mbi krimin, shkruan spiegel.de. Sipas zëdhënësve të policisë, pritet që në fillim të javës ai të konsultohet fillimisht me këshilltarin e tij ligjor.

Të dyshuarit e tjerë aktualisht janë ende në kërkim. Të premten në mbrëmje, deputeti i përmednur i SPD-së u sulmua dhe u plagos në rrugë në Dresden nga katër persona. Ai po vendoste postera për zgjedhjet evropiane që mbahen në qershor.

Këtë javë pati sulme të tjera ndaj dy politikanëve të Partisë së Gjelbër dhe një njeriu që kishte propaganduar për Partinë e Gjelbër.

 

---