Maqedonia
Specializantët vazhdojnë grevën në Maqedoninë Veriore
Ata thonë se revolta do të vazhdojë derisa nuk marrin informacion në formë të shkruar se kërkesat e tyre janë pranuar
Dita e dytë e grevës së specializantëve privatë. Ata thonë se revolta do të vazhdojë derisa nuk marrin informacion në formë të shkruar se kërkesat e tyre janë pranuar. Specializantët kërkojnë rritje të pagave nga 26 mijë në 44 mijë denarë dhe sigurim shëndetësor e pensional. Mjekja specializante, Hristina Ilioska, hodhi poshtë deklaratën e ministrit të Shëndetësisë, Ilir Demiri, se greva është e nxitur politikisht.
“Dua ta përgënjeshtroj deklaratën e ministrit të Shëndetësisë, Ilir Demiri, se pas kësaj greve ka prapavijë dhe motive politike. Nuk kemi asnjë motiv për atë, motivet kryesore për këtë grevë janë të gjithë këta kolegë mbrapa meje që kërkojnë kushtet themelore për jetë…. Unë personalisht nuk kam librezë të asnjë partie politike, e vetmja librezë që e kam në shtëpi është ajo e dhurimit të gjakut, në të cilën shkruan zero pozitiv”, tha Hristina Ilioska, mjeke specializante.
Pacientët ankohen se greva shkakton kaos në institucionet shëndetësore. Ata theksojnë se mezi arrijnë të kryejnë punë deri pas mesdite, transmeton albinfo.ch.
“Më vjen shumë keq për këtë që po u ndodh mjekëve të rinj që nuk i pranojnë. Aty ka njerëz që presin, domethënë në onkologji është tmerr. Njerëzit presin me orë që të vijnë deri te kimoterapia. Atje ka shumë turma, mund të prisni që do të kryeni punë pas orës 12, vini në mëngjes në që të zini radhën dhe nëse arrini në kimoterapi deri në orën 1 është super. Le të themi nëna ime është prej Shkupi, paramendoni dikujt që i duhet të vijë nga jashtë Shkupit, që ndoshta do u duhet të vijnë prapë nesër”, u shpreh një paciente.
Ministri i Shëndetësisë, Ilir Demiri një ditë më parë kërkoi durim nga specializantët, duke nënvizuar se pas zgjedhjeve do të kërkojë rishikim të buxhetit me çka do të siguroheshin fonde për rritjen e të ardhurave të tyre, përkatësisht harmonizim të të ardhurave të tyre me ato të specializantëve të punësuar nëpër shtëpitë e shëndetit publik.
Të tjera nga Maqedonia
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun