A mund të vijnë në rrugët zvicerane të ashtuquajturit kamionë përbindësh?

Disa grupe transporti kanë frikë se mund të jetë kështu dhe tashmë janë duke u përgatitur për një luftë.

Kamionët – të quajtur në gjermanisht “Gigaliners” peshojnë 60 tonë dhe janë mbi 25 metra të gjatë. Për krahasim, kamionët standardë janë 40 tonë dhe 19 metra.

Automjetet shumë të mëdha tashmë po përdoren në disa rrugë në Gjermani, Finlandë dhe Suedi, transmeton albinfo.ch.

Por Parlamenti Evropian ka votuar në favor të lejimit të tyre për të kaluar kufijtë. Disa kanë frikë se Zvicrës do t’i bëhet presion për t’i lejuar edhe ata.

Por do të nevojiten ndryshime të mëdha në infrastrukturë. Objektet doganore do të duhet të zgjerohen – si dhe stacionet e pushimit, tunelet dhe urat. Zyra Federale e Rrugëve dyshon se kostot do të jenë qindra milionë franga.

Edhe lobi i mallrave në Zvicër ka dyshimet e veta. Shoqata Zvicerane e Automjeteve Tregtare thotë se ato janë shumë të mëdha për këtë vend.