Rrëzohet teleferiku në Austri, familja 4-anëtarëshe, në gjendje të rëndë

Një familje 4-anëtarëshe raportohet të jetë në gjendje të rëndë shëndetësore pas një aksidenti ku një teleferik u rrëzua të martën në një rajon skijimi në Austrinë perëndimore.

Një pemë ra në kabllon e Acherkogelbahn në zonën e skive Hochoetz të provincës Tirol rreth orës 10:20 të mëngjesit, duke shkaktuar dëme në sistemin e kabinës, të cilat çuan në rrëzimin e saj, njoftoi Agjencia Austriake e Shtypit.

Tutje raportohet se teleferiku u rrëzua nga një lartësi afërsisht 10 metra në një terren pyjor me dëborë, pothuajse të paarritshëm, raportuan mediat lokale, duke detyruar shpëtimtarët të nxjerrin viktimat me një litar të varur nga një helikopter, përcjell albinfo.ch.

Rreth 60 teleferikë të tjerë në qarkullim në rrugën Acherkogelbahn u ndaluan dhe u tërhoqën përsëri në stacion pas aksidentit.