Bota
Gjermani: Ata që refuzojnë punën, nuk do të marrin ndihmë sociale
Qeveria federale gjermane dëshiron ta miratojë këtë rregull të ri deri më 2 janar dhe më pas ai duhet të zbatohet sa më shpejt që të jetë e mundur
Gjermania do të aplikojë rregulla të reja për të gjithë ata që refuzojnë një punë. Hapi i parë është heqja e privilegjeve, përfshirë asistencën financiare. Por, nga ana tjetër, shteti do të vazhdojë të paguajë për banesat e tyre në mënyrë që të shmangë rritjen e numrit të të pastrehëve në vend.
Ata që refuzojnë një punë në Gjermani, nuk do të marrin më ndihmë në formën e kompensimit. Deklarata u bë nga ministri gjerman i Punës, Hubertus Heil.
Sipas planit të tij, kujtdo që refuzon plotësisht të punojë, do t’i hiqen përfitimet deri në dy muaj. Megjithatë, shteti do të vazhdojë të paguajë për banesën e tyre për të parandaluar të pastrehët. Sipas tij, dekreti i planifikuar për refuzuesit total u drejtohet atyre që në mënyrë të paarsyeshme dhe arbitrare refuzojnë të pranojnë një punë të arsyeshme që u ofrohet. Dekreti do të jetë në përputhje me vendimin e Gjykatës Kushtetuese Federale për sanksionet financiare të qytetarëve, shkruan Scan, transmeton albinfo.ch.
Gjithashtu hiqet edhe shtesa civile, por mbetet ideja themelore për përfshirje më të mirë të njerëzve në tregun e punës përmes trajnimeve. Pagesa e trajnimit dhe suplementi për trajnime shtesë do të vazhdojnë t’u paguhen pjesëmarrësve të kurseve të trajnimit profesional. Kushdo që ka filluar një masë të pranueshme, do të marrë bonusin derisa të largohet ose të përfundojë masën.
Qeveria federale gjermane dëshiron ta miratojë këtë rregull të ri deri më 2 janar dhe më pas ai duhet të zbatohet sa më shpejt që të jetë e mundur. Heil theksoi se kushdo që nuk është dakord do të duhet të përballet me pasoja më të rënda pasi Gjermania është një vend i punëtorëve të palodhur.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit