Sektori i prodhimit të orëve në Zvicër përjetoi një vit rekord

unsplash

Pa dyshim se viti 2023 ishte rekord për eksportet e orëve të prodhurara nga Zvicra dhe industria zvicerane e orëve pret një 2024 “mesatarisht pozitive”, edhe falë rinisjes së marrëdhënieve dypalëshe me Bashkimin Evropian, përcjell albinfo.ch.

Referuar statistikave, thuhet se në vitin që po mbyllet, eksportet do të kalojnë 26 miliardë franga, duke arritur tashmë në 24.6 miliardë franga në fund të njëmbëdhjetë muajve të parë.

“Rritja mund vetëm të ngadalësohet”, vëren Jean-Daniel Pasche, president i Federatës së Industrisë Zvicerane të Orëve (FH) në një intervistë me Keystone-ATS. Kjo ka ndodhur tashmë me rënien që filloi në korrik, ku norma kumulative e rritjes u ngadalësua nga 12% në fund të gjysmës së parë të vitit në 7% në fund të nëntorit. “Kërkesa është normalizuar pas rimëkëmbjes pas pandemisë”, vuri në dukje përfaqësuesi i federatës.

Së dyti, ekonomia është e prekur nga pasiguritë gjeopolitike, me Ukrainën dhe konfliktin izraelito-palestinez. “Nëse kësaj i shtojmë ndikimin e inflacionit dhe të frangut të fortë, mund të kuptojmë më mirë humbjen e besimit”, thekson Jean-Daniel Pasche. Përveç sektorit farmaceutik, industria vazhdon të performojë më mirë se sektorët e tjerë të eksportit.