E-Diaspora
Viti 2023, shqiptarët shkruajnë historinë në Zvicër
Editorial i botuar në numrin më të ri, të fundit për këtë vit, të revistës albinfo.ch
Në përfundim të vitit 2023 është e rëndësishme të hedhim një vështrim mbrapa për të vlerësuar rrugën që kemi ndjekur dhe të bëjmë bilance rreth zhvillimeve të aktualitetit të shqiptarëve në Zvicër dhe gjetiu në diasporë.
Vitin që po lëmë pas e ka karakterizuar një vazhdim i përpjekjeve për të forcuar pozicionin e komunitetit shqiptar në jetën politike zvicerane.
Për një vend në Parlamentin Federal të Zvicrës kanë vënë kandidaturën e tyre rreth 30 politikanë me rrënjë shqiptare. Por, vetëm njëri prej tyre arriti të triumfojë në këtë garë për shkak të dembelisë elektorale të shqiptarëve me të drejtë vote.
Sido që të jetë, historia po shkruhet tani: Islam Alijaj zgjidhet deputet i parë me rrënjë shqiptare në Parlamentin e Zvicrës.
Alijaj, duke qenë vetë person me nevoja të veçanta, është i njohur për angazhimin e tij të palodhshëm për të drejtat e kategorisë së njerëzve, të cilës i takon. Ai ka qenë deri më tani asamblist shumë aktiv në Asamblenë e Qytetit të Cyrihut. Por, më shumë se kaq, Alijaj është një lobist i flakët, në nivel vendi, për çështjen e personave me nevoja të veçanta.
Edhe Ylfete Fanaj ka shkruar historinë sërish në Zvicër, duke u zgjedhur e para shqiptare si ministre kantonale.
Ajo fitoi përfaqësimin e kantonit të Lucernit dhe kjo shënon edhe postin më të lartë ekzekutiv që një shqiptare mban në Zvicër.
Madje, falë Fanajt, PS (Partia Socialdemokrate) arriti të rikthehej në qeverinë e Lucernit. Për tetë vjet, PS nuk ishte më e përfaqësuar në ekzekutiv të këtij kantoni.
Ylfete Fanaj ka kaluar deri më tani të gjitha shkallët e karrierës politike në nivelin komunal dhe atë kantonal. Ajo është e pranishme në politikën e Lucernit që nga viti 2007. Pas postit në legjislativin e komunës, ajo ka realizuar dy mandate në Parlamentin e Kantonit, duke u zgjedhur në vitin 2021 edhe kryetare e Parlamentit, që ishte, deri atëherë, posti më i lartë i mbajtur ndonjëherë nga një politikan me prejardhje të huaj, dhe jo vetëm në kantonin e saj.
Pos politikës, shqiptarët shënuan suksese edhe në fusha të tjera. Pesë shqiptarë dolën këtë vit në mesin e influencuesve më të mirë të Zvicrës. Biznesi i influencuesve në Zvicër duket se po lulëzon dhe këtu po tregojnë suksese të jashtëzakonshme Mimoza Lekaj me motrën e saj Ardiana Lekaj, Taulant Gashjani, i njohur si T-Ronimo, Mirlinda Lajqi dhe reperi EAZ, Arbër Rama…
Në këtë zinxhir të sukseseve të komunitetit shqiptar të Zvicrës, vlen të përmendet edhe ky numër jubilar i magazinës albinfo.ch, që është i 70-ti me radhë. Lexim të këndshëm dhe uroj të keni një vit të mbarë! Qoftë 2024 viti i shqiptarëve!
Sevdail Tahiri, drejtor i platformës albinfo.ch Online&Print
E-Diaspora
-
Dua Lipa reagon për vrasjet në Gaza Këngëtarja shqiptare me famë botërore shqiptare, Dua Lipa, ka bërë thirrje për ndaljen e luftimeve në...
-
Java e Kulturës së Kosovës në Berlin
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë