Këto janë dokumentet që ju nevojiten për të udhëtuar pa viza në zonën Shengen

JESHOOTS.COM @jeshoots

Faqja qeveritare Integrimi Evropian i Kosovës ka njoftuar qytetarët për dokumentet që u nevojiten për të udhëtuar pa viza në zonën Shengen pas 1 janarit 2024, përcjell albinfo.ch.

Sipas njoftimit, nevojitet pasaportë biometrike (e vlefshme për të paktën tre muaj pas datës së largimit nga zona Shengen).

Lidhur me linkun ka informata të sakta mbi vendin dhe qëllimin e udhëtimit, dëshmi mbi qëndrimin si rezervimi i hotelit/apartamentit apo kontaktet e të afërmve ku do të qëndroni.

Për të udhëtuar në zonën Shengen pa viza ju nevojiten edhe detajet e udhëtimit, duke përfshirë rezervimin e biletës kthyese.

Ndërkaq, nëse udhëtohet me veturë, dokumentet e nevojshme të veturës, përfshirë kartonin e gjelbër si dhe dëshmi se keni mjete të mjaftueshme financiare.

“Për më shumë informata, vizitoni faqen zyrtare:  https://integrimievropian.rks-gov.net/…/pyetje-te…/”, thuhet në njoftimin për media.