Zgjidhja në Gjenevë: Kërpudhat shpëtojnë planetin

@pixabay

Inxhinierët në Gjenevë po i drejtohen një zgjidhjeje natyrale për të dekontaminuar dheun në një kantier ndërtimi pranë stacionit të trenit Eaux-Vives.

Puna është duke u zhvilluar për ndërtesat e reja të banimit dhe një qendër argëtimi, ku dikur ishte një zonë industriale.

Toka është plot me hidrokarbure – dhe mënyra më e mirë për ta pastruar atë është përdorimi i kërpudhave. Kërpudhat thithin natyrshëm ndotësit.

Duhet pastruar 10000 m2 tokë. Përdoren vetëm kërpudhat vendase në rajon, shkruajnë mediat zvicerane, përcjell albinfo.ch.

Sporet e kërpudhave injektohen në grumbuj të mëdhenj dheu dhe lihen për rreth 4 muaj. Pas trajtimit, niveli i helmit zvogëlohet masivisht – ose edhe eliminohet.

I njëjti proces po planifikohet tani për tokën përreth depos së vjetër të transportit publik në Jonction përpara se të kthehet në një park publik.