Lajme

Lajm i mirë për konsumatorët zviceranë: kostoja e jetesës ka rënë paksa

E martë, 5 Dhjetor 2023 - 15:50 albinfo.ch

unsplash

Pavarësisht rritjes së qirasë që hyri në fuqi në tetor, niveli i përgjithshëm i çmimeve ra me 0.2 për qind në nëntor, sipas një studimi të ri të publikuar të hënën nga Zyra Federale e Statistikave (FSO), përcjell albinfo.ch.

Ku ranë më shumë çmimet?

Si për ushqimin, ashtu edhe për udhëtimet/kohën e lirë, ka pasur një rënie midis 0.6 dhe 0.9 për qind.

Rënia më e madhe, megjithatë (-1 për qind), ishte në sektorin e gastronomisë dhe të udhëtimeve.

Indeksi kombëtar i çmimeve të konsumit (LIK) ra me 0,2% në nëntor 2023 krahasuar me muajin paraardhës dhe arriti në 106,2 pikë (dhjetor 2020 = 100). Krahasuar me muajin korrespondues të një viti më parë, inflacioni ishte +1.4%. Kjo del nga shifrat e Zyrës Federale të Statistikave (BFS).

Rënia me 0.2% krahasuar me muajin paraardhës vjen si pasojë e faktorëve të ndryshëm, përfshirë uljen e çmimeve për industrinë e hotelerisë dhe paketat e pushimeve jashtë vendit.