Muzikë
Këngën e shkruar nga Dua Lipa do ta këndojë Olly Alexander për Britaninë e Madhe në “Eurovision 2024”
Këngëtari i njohur Olly Alexander thuhet se është në bisedime për të përfaqësuar Britaninë e Madhe në Eurovizionin e vitit të ardhshëm në Suedi, përcjell albinfo.ch.
33-vjeçari thuhet se është një fans i madh i konkurrencës dhe ‘i dëshpëruar’ për të qenë hyrja zyrtare e Britanisë për vitin 2024. Drejtuesit e BBC-së pa dyshim shpresojnë të ndryshojnë fatin e Mbretërisë së Bashkuar, pasi Mae Muller nuk arriti të impresiononte audiencën në fillim të këtij viti në konkursin në Liverpool, ku ajo përfundoi e dyta nga e fundit.
Sipas The Sun, Olly ka realizuar një këngë të shkruar nga Dua Lipa dhe producenti i saj Danny L Harle. “Është një ëndërr e realizuar për Olly”, tha një burim i afërt me këngëtarin. Përveçse është në krye të top-listave me “Years & Years”, Olly ka kaluar edhe në botën e aktrimit. Ndërkaq, Dua Lipa, nga ana tjetër, po kalon një vit të jashtëzakonshëm, pasi u nominua për dy çmime “Grammy”, duke përfshirë këngën e vitit për “Dance The Night”.
Thuhet se ylli i muzikës pop po synon të nisë turneun e saj të parë në stadium vitin e ardhshëm. Lipa po kërkon të bëjë një hap nga shfaqjet në arenë pas turneut të saj të suksesshëm “Future Nostalgia 2022”, ku performoi 12 shfaqje në Mbretërinë e Bashkuar. Ekipi i saj thuhet se po përpiqet të planifikojë datat për verën e ardhshme, por ende asgjë nuk është konfirmuar.
“Dua do të jetë kudo në vitin 2024”, tha një burim për The Sun. Turneu i saj “Future Nostalgia i vitit 2022” pati 12 shfaqje në arenë në Angli, kështu që disa koncerte në stadium janë pa dyshim të mundshme. “Për momentin nuk ka data të konfirmuara”, thanë burimet. Albumi i dytë në studio “Future Nostalgia” u publikua në mars 2020 dhe fitoi tre çmime “Grammy”, duke përfshirë çmimin “Albumin e Vitit”, në ceremoninë e 2021. Kjo vjen pasi u zbulua se Dua, Madonna dhe Coldplay janë pretendentët kryesorë për të performuar si titullar në “Glastonbury” në 2024.
Të tjera nga Muzikë
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?