Policia sekuestron piktura të vjedhura me vlerë disa qindra mijëra franga

(KEYSTONE/Christian Beutler)

Policia kantonale e Cyrihut ka arrestuar dy shtetas zviceranë në kantonin e Baselit dhe ka sekuestruar vepra arti të vjedhura me vlerë disa qindra mijëra franga.

Pikturat dyshohet se janë vjedhur gjatë një vjedhjeje në kantonin e Bernës në vitin 2019, raporton swi, përcjell Albinfo.ch.

Policia kantonale e Cyrihut njoftoi të hënën se në shtëpitë e dy të arrestuarve tashmë janë kryer kontrolle në fund të shtatorit. Në fund të gushtit, policia mori informacionin se pikturat e vjedhura dyshohet se shiteshin në një shtëpi ankandi.

Hetimet intensive çuan më pas te dy personat që banonin në kantonin Basel-Landschaft. Ata janë shtetas zviceranë të moshës 31 dhe 71 vjeç./Albinfo.ch/