Lajme
Rriqrat në Zvicër janë më të rrezikshme nga sa mendohej më parë
Studiuesit në Universitetin e Cyrihut kanë gjetur viruse ose baktere në pothuajse të gjitha rriqrat që kanë ekzaminuar, përfshirë virusin Alongshan, i cili u zbulua disa vite më parë.
“Pothuajse çdo rriqër mund t’ju bëjë të sëmurë,” tha të hënën për agjencinë zvicerane të lajmeve Keystone-ATS virologu Cornel Fraefel nga Universiteti i Cyrihut, i cili mori pjesë në studim. “Në shumë rriqra, ne gjetëm disa patogjenë në të njëjtën kohë.”, tha ai, transmeton albinfo.ch.
Virusi Alongshan (ALSV) u zbulua në pothuajse dy herë më shumë rriqra (7.6%) sesa virusi i meningoencefalitit (4.2%). Rreth 77% e rriqrave rezultuan gjithashtu pozitive për të paktën një patogjen joviral. Nga rriqrat e mbledhura në zonat urbane, 83,9% përmbanin të paktën një patogjen joviral.
Rrezikshmëria e ALSV ende nuk është përcaktuar qartë. “Zbulimi i ALSV është aq i fundit sa nuk mund të themi ende nëse është i rëndësishëm për shëndetin publik në Zvicër,” tha Fraefel. Sipas një studimi kinez, simptomat ngjajnë me ato të meningoencefalitit, përcjell albinfo.ch.
Rickettsiae dhe borrelia
Bakteret nga grupi i rikecisë, të cilat mund të shkaktojnë një seri të tërë sëmundjesh të njohura si ricketcioza, u gjetën më shpesh në rriqrat e ekzaminuara nga studiuesit e Cyrihut. Këto përfshijnë anaplazmozën, e cila mund të shkaktojë ethe, të dridhura dhe dhimbje koke.
Borrelia, përgjegjëse për sëmundjen Lyme, u zbulua gjithashtu në shumë rriqra. Në zonat urbane, borrelia ishte e pranishme në 8.2% të rriqrave të ekzaminuara (1.9% në zonat rurale).
Studiuesit e Universitetit të Cyrihut nxorrën ARN dhe ADN nga më shumë se 10,000 rriqra dhe i testuan ato për viruse. Këpushat u testuan edhe me PCR për baktere të ndryshme. Rezultatet janë publikuar në revistën e specializuar Plos One.
E-Diaspora
-
Kurti fton diasporën të bëhen pjesë e institucioneve të Kosovës përmes diplomacisë qytetare Përmes një video-mesazhi kushtuar bashkatdhetarëve, kryeministri Albin Kurti ka bërë të ditur se Qeveria që udhëheq...
-
Gjuha e arbëreshëve zyrtarizohet në shërbimet e gazetarisë në kanalet Rai Calabria
-
Cyrih: Valltarët e shoqatës kulturore “Plisat” i janë bashkuar aksionit bamirës “Tag der guten Tat”
-
U mbajt simpoziumi shkencor në rastin e ditëlindjes së Skënderbeut
-
Boksieri Bernardin Jakaj, i gatshëm për meçin e së shtunës në Vjenë
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?