Zvicër: Fuqia blerëse pritet të ulet në vitin 2024

(KEYSTONE/Christian Beutler)

Popullsia zvicerane do të shohë uljen e fuqisë së saj blerëse – sipas një studimi nga ekonomistët e UBS-së.

Rritja e pritshme e pagave mesatare prej 1.9% vitin e ardhshëm nuk do të jetë e mjaftueshme për të kompensuar rritjen e çmimeve.

“Shumica e kompanive kompensojnë inflacionin, por ato rrallë shkojnë përtej kësaj”, thotë Florian Germanier, kreu i anketës vjetore të pagave të UBS-së, transmeton albinfo.ch.

Me parashikimin e inflacionit në 2%, pagat reale ka të ngjarë të ngecin dhe duke qenë se primet shëndetësore nuk përfshihen në indeksin zviceran të çmimeve të konsumit, kjo do të rezultojë në një humbje të fuqisë blerëse në 2024-ën.