Lajme

Gjermani: Arrestohen 4 shqiptarë, kultivonin kanabis

E diel, 5 Nëntor 2023 - 17:30 albinfo.ch
Keystone

Policia gjermane ka arrestuar 4 shtetas të Shqipërisë nën akuzën e trafikut të lëndëve narkotike.

Fillimisht, policia iu gjeti shqiptarëve 8 kg marihuanë, teksa në vijim të hetimeve u zbulua dhe një objekt ku ishin kultivuar qindra bimë narkotike kanabis sativa.

Dy nga të arrestuarit ishin rezidentë në Leipzig, ndërsa dy të tjerët në Rostock, teksa identiteti i tyre nuk bëhet me dije për arsye hetimore.

Gjatë kontrolleve, në banesat e 4 të arrestuarve policia gjeti dhe disa lloje të tjera drogash sintetike dhe një sasi të konsiderueshme parash që dyshohet të jetë përfituar nga ky aktivitet i jashtëligjshëm.

 Të tjera nga Lajme

Personeli pajiset me kamera trupi pas sulmit fatal ndaj konduktorit të trenit

 E-Diaspora

 Jeta në Austri