Evakuohet Euroaeroporti në Bazel

(KEYSTONE/Georgios Kefalas)

Aeroporti Basel-Mulhouse u evakuua të enjten për arsye sigurie, teksa pas kësaj fshihet një kërcënim me bombë.

Siç raportuan disa lexues për Blick, Euroaeroporti Basel-Mulhouse duhej të evakuohej të enjten pasdite dhe arsyeja e saktë e evakuimit fillimisht mbeti e paqartë.

Prefektura zvicerane më në fund konfirmoi për Blick se “terminali duhej të evakuohej për arsye sigurie, pas një kërcënimi me bombë”.

Çfarë saktësisht e shkaktoi këtë mbetet e paqartë teksa u raportua se një qen zbulues eksplozivi nga policia kantonale e Bazelit ka mbërritur rreth orës 15:30, përcjell albinfo.ch.

“Rreth 40 pasagjerë nuk ia dolën dot. Ata ndoshta do të duhej të largoheshin nga ndërtesa e aeroportit. Informacioni që kemi është se ndoshta do të duhet të qëndrojmë në aeroplan për të paktën një orë”, ka thënë një nga udhëtarët.

Rreth një orë më vonë, u raportua se njerëzit në aeroplan “po bëhen ngadalë të paduruar” dhe se situata po bëhet “kaotike”. Zjarrfikësit tashmë kishin sjellë ujë për pasagjerët teksa piloti tha gjithashtu se nuk kishte informacion të mëtejshëm dhe thuhet se u ka kërkuar pasagjerëve durim.

Avionët po devijohen e fluturimet po anulohen

Siç tregojnë të dhënat nga Flightradar24, fluturimet nga Mynihu, Frankfurt, Cyrihu dhe Amsterdami u anuluan.

Një aeroplan nga Majorka, i planifikuar të mbërrinte në orën 15:25, u devijua për në Gjenevë.