Lajme

Kërcënim ndaj një avioni, pezullohen fluturimet nga Hamburgu

E hënë, 9 Tetor 2023 - 19:00 albinfo.ch
(KEYSTONE/Valentin Flauraud)

Të gjitha fluturimet për dhe nga aeroporti i Hamburgut, janë pezulluar për shkak të kërcënimit për sulm ndaj një avioni, që u ul pasi erdhi nga kryeqyteti iranian, Teherani, tha një zëdhënëse e aeroportit për dpa.

”198 pasagjerët dhe 16 anëtarët e ekuipazhit u larguan nga avioni dhe tani po i nënshtrohen kontrolleve të sigurisë në një zonë të veçantë”, tha policia.

Avioni dhe bagazhet po kontrollohen.

”Nuk ka pasur ngritje apo ulje që nga ora 12:40 (1040 GMT)”, tha zëdhënësja.

Avioni u ul në Hamburg në orën 12:20 dhe tani ndodhet në një zonë të veçantë.

”Policia mori një e-mail që kërcënonte se do të sulmonte fluturimin Teheran-Hamburg”, tha një zëdhënës i policisë për dpa.

”Ky kërcënim u mor shumë seriozisht”, tha ai.

 Të tjera nga Lajme

Gjermania paralajmëron gjobë deri në 1,000 euro për shmangësit e shërbimit ushtarak

 E-Diaspora

 Jeta në Austri