CSU fiton në Bavari

CSU, X

CSU (Unioni krisitiansocial) i kryeministrit Markus Söder fitoi zgjedhjet në Bavari me një diferencë të qartë, por me rezultatin më të dobët ndonjëherë.

Votuesit e Lirë (FW) me kandidatin kryesor, Hubert Aiwanger, nga ana tjetër, fituan shumë vota. Prandaj, të dyja palët mund të vazhdojnë aleancën e tyre qeveritare siç synohet, shkruan DW.

Numër të lartë votash ka marrë edhe partia e djathtë Alternativa për Gjermani (AfD), ndërsa të Gjelbrit kanë humbur pak. Liberalët (FDP) nuk siguruan pesë për qind dhe mbeten jashtë Parlamentit të landit. Ndërsa socialdemokratët e kancelarit Scholz kanë rënë nën 10%, që është rezultat shumë i dobët.

Në rezultatet e përkohshme të zgjedhjeve në Bavari, partia kristiansociale CSU mori rreth 37% të votave. Kjo do të thotë se partia, e cila ka qenë kreu i qeverisë në Bavari për 65 vjet, ka fituar edhe më pak se në vitin 2018 (37.2%), që për një parti të tillë me kaq traditë në pushtet është rezultat shumë i dobët. Në vitin 2018 kishte shënuar rënie prej më shumë se dhjetë pikësh, përcjell albinfo.ch.