4 të plagosur në Vjenë pas të shtënave me armë zjarri

Për shkak të një konflikti, në Vjenë janë plagosur 4 persona, ndërkohë janë arrestuar 4 të tjerë

Mediat në Vjenë raportojnë për 4 të plagosur pas të shtënave me armê zjarri. Policia austriake citohet të ketë deklaruar se ka arrestuar katër persona të dyshuar.

“Të shtënat ndodhën në lagjen Floridsdorf të Vjenës”, tha policia, në një njoftim në platformën X.

Sipas mediave austriake, tre vëllezër me nënshtetësi boshnjake 22, 26 dhe 27 vjeç si dhe një 23-vjeçar me rrënjë iraniane u plagosën nga të shtënat në Floridusgasse. Ata u dërguan në spital me plagë me thikë dhe armë zjarri, përcjell albinfo.at

Ndërkohë, sipas policisë, të akuzuar janë edhe tre vëllezër të moshës 22, 25 dhe 28 vjeç, si dhe babai 54-vjeçar. Të gjithë meshkujt janë shtetas austriakë por me prejardhje nga Maqedonia e Veriut.

Sipas policisë katër persona janë qëlluar me armë zjarri në rrugë, ndërsa sulmuesit e armatosur janë larguar me makina, transmeton albinfo.at

Transmetuesi publik austriak ORF njoftoi se policia më vonë sekuestroi dy makina dhe arrestoi katër të dyshuar, të gjithë shtetas të Bosnjës dhe Hercegovinës.

Mediat austriake kanë bërë të ditur se të shtënat kanë të bëjnë me një mosmarrëveshje familjare, përkatësisht për shkak të një gruaje.

 

---