Sigurimet shëndetësore: Rritja më e madhe do të jetë në Gjenevë

(KEYSTONE/Martin Ruetschi)

Primet e sigurimit shëndetësor do të rriten vitin e ardhshëm, dhe Gjeneva do të jetë një nga kantonet më të shtrenjta.

Në gjithë vendin primi mesatar mujor do të arrijë në 359,50 CHF, që është një rritje prej 29 CHF ose 8,7%.

Ticino do të shohë rritjen më të madhe të përqindjes me 10.5%, por Gjeneva do të ketë primet më të larta në 454.40 CHF, shkruajnë mediat zvicerane, përcjell albinfo.ch.

Ata në Vaud do të paguajnë 400 CHF dhe në Valais 334 CHF.

Por nëse jeni duke kërkuar për çmimin më të ulët mujor, do t’ju duhet të lëvizni në male. Appenzell Innerrhoden do të kushtojë 246 CHF dhe Uri 272 CHF.

Qeveria thotë se rritjet janë për shkak të kostove më të larta mjekësore, veçanërisht në gjysmën e parë të 2022-ës dhe njerëzve që ndërrojnë kompanitë e sigurimit për të gjetur prime më të ulëta, duke çuar në të ardhura më të ulëta se sa pritej. Kjo tani duhet kompensuar.

Rritja e kostove çon në thirrjet e një fondi të vetëm. Presidenti Alain Berset thotë se qeveria e kundërshton idenë – por pranon se është një çështje që nuk ka gjasa të largohet.