Tuneli rrugor Gotthard rihapet sonte në orën 20:00

(KEYSTONE/Gaetan Bally)

Tuneli rrugor Gotthard, i mbyllur të dielën e kaluar për shkak të një çarje, do të rihapet për qarkullim sonte në orën 20:00.

Zyra Federale e Rrugëve ka njoftuar se puna e riparimit dhe testimi do të përfundojë në atë kohë, raporton RTS, përcjell albinfo.ch.

Derisa tuneli të rihapet, trafiku do të vazhdojë të devijohet në rrugët San Bernardino (A13), Gotthard Pass dhe Simplon, specifikon Zyra Federale e Rrugëve.

Deri më 4 tetor ka gjasa që edhe tuneli të qëndrojë i mbyllur për qarkullim nga ora 20:00, deri në orën 5 të mëngjesit, nga e hëna në mbrëmje deri të premten në mëngjes, për të kryer “ndërhyrje të vogla” në sektorin e dëmtuar.

Për arsye sigurie, shpejtësia në tunel fillimisht do të kufizohet në 60 km/h pas rihapjes së tij të premten në mbrëmje.