Lajme

Zvicra do të hapë observatorin e ri hapësinor

E premte, 15 Shtator 2023 - 17:40 albinfo.ch

Foto ilustrim @pixabay

Një observator i ri i quajtur “Syri Hapësinor” në Niedermuhlern, kantonin e Bernës, do të hapet për publikun më 23 shtator.

Në një ndërtesë të projektuar nga arkitekti i famshëm zviceran, Mario Botta, observatori synon t’i ofrojë publikut njohuri për hapësirën dhe mjedisin.

“Space Eye” strehon teleskopin më të madh në Zvicër, i vendosur në tarracën panoramike të kullës së observatorit Botta, sipas fondacionit që e zotëron atë, shkruan swissinfo, përcjell albinfo.ch.

Në një konferencë për shtyp astrofizikani dhe ish-astronauti zviceran, Claude Nicollier, tha se observatori mund t’i ndihmojë njerëzit të kuptojnë misteret e qiellit dhe nevojën për të mbrojtur planetin.