Scholz kritikon AfD-në: Po tenton shkatërrimin e Gjermanisë

Kancelari Olaf Scholz sulmoi ”Alternativën për Gjermaninë” (AfD) gjatë një fjalimi në Parlament, duke akuzuar partinë në rritje të ekstremit të djathtë se punon për “shkatërrimin e qëllimshëm të prosperitetit të Gjermanisë”.

“Shumica dërrmuese e qytetarëve e dinë se alternativa e vetëshpallur është në të vërtetë një ekuipazh shkatërrimtar për vendin tonë”, tha Scholz gjatë një debati të përgjithshëm në Bundestag mbi propozimin e buxhetit të qeverisë së tij, transmeton agjencia gjermane e lajmeve, përcjell albinfo.ch.

”AfD dëshiron të shpërbëjë Bashkimin Evropian, edhe pse prosperiteti i Gjermanisë është i lidhur ngushtë me anëtarësimin e saj në bllok”, theksoi ai.

”Aspirata ime si kancelar është të drejtoj vendin në drejtimin e duhur, të bëj kompromise të guximshme për vendin tonë”, shtoi ai.

“Në këtë mënyrë ne mund të kundërshtojmë ata që duan të përfitojnë politikisht nga skenarët e frikësimit ose rënies”, theksoi Scholz.

Ai pranoi se qeveria e tij e koalicionit trepalësh ka “diskutuar shumë në muajt e fundit”.