Për dy muaj, mbi 200 milionë euro remitenca

Banka Qendrore e Kosovës ka publikuar statistikat për remitencat nga diaspora.

Sipas këtij institucioni, ka një rritje prej 18% në shumë e parave që ka dërguar diaspora në Kosovë.

“Remitancat në muajin qershor 2023 ishin 123.9 milionë euro, që paraqet rritje prej 18% krahasuar me periudhën e njëjtë të vitit 2022. Prurjet më të mëdha të remitencave gjatë këtij muaji ishin përmes agjencive për transferimin e parave dhe kanaleve të tjera, konkretisht përmes IFJB 58.4 %, bankave 15.4% dhe kanalet e tjera 26.2%”, thuhet nga BQK, përcjell albinfo.ch.

Vlera e remitancave deri në fund të qershorit 2023 shënoi rreth 635 milionë euro, që paraqet rritje prej 13% krahasuar me periudhën e njëjtë të vitit 2022. Remitancat kryesisht vijnë nga shtetet BE-së rreth 60% e gjithsej remitancave, prej të cilave kryeson Gjermania me 38.1% dhe ndiqen nga Zvicra me 17.6% dhe SHBA rreth 7.5%.

Ndërkohë, BQK ka nxjerrë edhe vlerësimet preliminare për remitencat e muajit korrik.

“Sipas vlerësimeve preliminare remitancat për muajin korrik ishin rreth 116 .8 milionë euro. Prurjet më të mëdha edhe gjatë këtij muaji kanë qenë përmes IFJB 50.9 %, ndërsa përmes bankave 18.5% dhe kanalet e tjera 30.5%”, thuhet nga BQK, përcjell albinfo.ch.