Si kursejnë zviceranët më shumë se evropianët?

@pixabay

Familjet në Zvicër kursejnë më shumë sesa evropianët.

Studimi i fundit tregon se rreth një e pesta e popullsisë së Zvicrës nuk ia del dot dhe ka nevojë për më shumë se një punë për të paguar faturat, një tjetër tregon se mesatarisht, zviceranët ende arrijnë të kursejnë më shumë para se evropianët e tjerë, shkruan The Local.

Platforma konsumatore HelloSafe i bazon të dhënat në në shifrat 2021-2022 (të fundit të disponueshme deri më sot), të nxjerra nga baza e të dhënave të Organizatës për Bashkëpunim dhe Zhvillim Ekonomik (OECD).

Normat e kursimeve në studim shprehen si përqindje e PBB-së (produkti i brendshëm bruto), duke përfshirë të gjitha kursimet e mbajtura nga familjet në raport me PBB-në e çdo vendi, përcjell albinfo.ch.

Familjet zvicerane po kursejnë gati 22% të të ardhurave të tyre, ndërsa Bashkimi Evropian regjistroi një normë mesatare kursimi prej 10.3%.

Për shembull, duke parë vetëm katër fqinjët e menjëhershëm të Zvicrës, norma është 12.8% në Francë, 12% në Austri, 11.4% në Gjermani dhe 2.1% në Itali.

Fakti që zviceranët janë kampionë evropianë të kursimeve nuk është një fenomen i ri.

Shifrat e OECD-së për dekadën e fundit tregojnë se popullsia e Zvicrës ka tejkaluar shumë performancën e BE-së në këtë fushë, shkruan The Local.

Një tjetër studim i OECD-së ka treguar se të ardhurat mesatare të disponueshme të familjeve të Zvicrës për frymë janë më të larta se mesatarja e OECD-së. Kjo do të thotë se ndërsa zviceranët kanë më shumë para për të shpenzuar, ata gjithashtu kanë më shumë për të kursyer, nëse kështu dëshirojnë, përcjell albinfo.ch.