Rritet shkalla e papunësisë në Gjermani

Nga 0.2% deri në 5.7% është rritur shkalla e papunësisë në Gjermani. E përkthyer në shifra, kjo i bie që në Gjermani janë 2.617 milionë të papunësuar, në muajin korrik, sipas të dhënave të Agjencisë Federale të Punësimit të Gjermanisë.

Kjo nënkupton se këtë muaj të papunë janë 62 mijë njerëz më shumë se në muajin qershor, dhe 147 mijë më shumë se një vit më parë, shkruan Radio Evropa e Lirë.

“Me fillimin e pushimit veror, papunësia u rrit në muajin korrik. Punësimi po rritet, por rritja po e humb momentumin dukshëm”, tha kryetarja e agjencisë, Andrea Nahles.

Edhe pa refugjatët ukrainas, papunësia do të ishte rritur për shkak të ekonomisë së dobët, sipas agjencisë. Për statistikat e këtij artikulli, agjencia i vlerësoi shifrat që ishin në dispozicion deri më 12 korrik, përcjell albinfo.ch.