Deutsche Bahn nis me shitjen e biletave verore për më pak se 10€

Ilustrim, Pixabay

Qytetarët në Gjermani tash mund të marrin me zbritje biletat për verën, kjo pasi Deutsche Bahn lançon një marrëveshje speciale për bileta ICE prej 9,90 €.

Sipas Deutsche Bahn, biletat për trenat IC dhe ICE do të jenë të disponueshme për t’u blerë mes 11 qershorit dhe 31 korrikut dhe do të jenë të vlefshme për udhëtime gjatë muajve të verës, shkruan The Local.

Biletat prej 9,90 € në përgjithësi mbulojnë distanca të shkurtra midis qyteteve të afërta, duke përfshirë Bremen në Hamburg, Këln në Dyseldorf, Augsburg në Mynih dhe Dresden në Leipzig.

Megjithatë, njerëzit me një Bahncard 25 ose 50 mund të përfitojnë 25% shtesë nga çmimi i biletës, që do të thotë se ata mund të udhëtojnë në një tren në distanca të gjata për vetëm 7,40 €.

Biletat do të shiten në aplikacionin DB Navigator, faqen e internetit të Deutsche Bahn dhe në pikat e shërbimit në stacion.

Megjithëse oferta është menduar të zgjasë për disa javë, numri i biletave me zbritje në dispozicion do të kufizohet në rreth një milion, përcjell albinfo.ch.

Marrëveshja e verës vjen një muaj pas lansimit të Deutschlandticket të Gjermanisë – një marrëveshje udhëtimi mujore prej 49 € që lejon njerëzit të udhëtojnë nëpër Gjermani me transport lokal dhe rajonal.

Sipas shifrave të fundit, rreth shtatë milionë njerëz kanë krijuar një abonim për biletën prej 49 € deri më tani, shkruan The Local.

Me ofertën e saj të fundit, Deutsche Bahn duket se po përpiqet të tërheqë njerëzit përsëri në trenat e tij IC dhe ICE në distanca të gjata, veçanërisht klientët që udhëtojnë në distanca relativisht të shkurtra.