Detaje të reja rreth vrasjes së shqiptares me thikë në Aachen të Gjermanisë

Flet nëna e së vrarës nga ish-burri në Gjermani: 8 vjet rresht u kanë e dhunume, e rrehne me kabull e me çelësa të makinës

Nëna e Jetmirës, gruas së vrarë në Gjermani, ka thënë se vajza e saj tashmë e ndjerë për 8 vjet radhazi ka qenë e dhunuar fizikisht dhe psikikisht nga nga ish-bashkëshorti, Besmir Ademi, përcjell albinfo.ch.

”8 vjet rresht u kanë e dhunume, u kanë e rrehne me kabull të televizorit, u kanë e rrehne me çelësa të makinës, u kanë e rrehne me thikë në fyt. Plus Besmir Ademi i ka thanë Jetmires teme, nëse ndahesh prej meje, unë kom me ta pre çiken, Ledinen”, ka thënë ajo në rrëfimin e saj.

Veç kësaj, ajo në rrëfimin e saj për Lajmi.net ka shtuar se ish-dhëndri i tyre e ka kërcënuar edhe vëllain e Jetmirës tashmë të ndjerë, për 8 vjet rresht, nëse kjo do të zbulonte dhunën që ai e ushtronte.

”E kam një djalë. Që 8 vjet e kam pasë të kërcënum, ‘’po e mysum sot, po e mysum nesër”.

Edhe djalin e ke pasë të kërcënum?

”Po, po, po. Edhe djalin e kam pasë të kërcënum, se çikën që e kum pas të martume me ta. Në qoftëse ti thu diçka në familjen tane, që dahesh prej meje, ose lajmëron dhunën që e përdori une në ty. Se ai ka përdorë dhunë fizike, psiqike. Ai ka përdorë dhunë që nuk e përdorë një serb, se s’po du me përdorë fjalën serb se edhe ai është popull. Po unë e kam babën e zhdukt prej Serbisë, po nuk e kish përdorë dhunën që e ka përdorë Besmir Ademi, nipi i avokatit të popullit të njoftun në Mitrovicë, Sheremet Ademi”.

---