Policia gjermane dhuron 5 furgonë për policinë kufitare në Kosovë

Policia Federale e Gjermanisë ka dhuruar sot një donacion prej pesë automjeteve furgonë për Policinë Kufitare të Kosovës.

Në ceremoninë e pranim-dorëzimit të këtij donacioni morën pjesë ministri i Punëve të Brendshme, Xhelal Sveçla, zëvendësdrejtori i Përgjithshëm i PK-së, Fehmi Hoti, ambasadori i Gjermanisë, Jörn Rohde, stafi i lartë menaxhues dhe përfaqësues të tjerë.

Sipas komunikatës së Policisë, ky donacion dëshmon bashkëpunimin e fuqishëm të Ministrisë së Punëve të Brendshme dhe Policisë së Kosovës me atë të Gjermanisë, e në veçanti me Policinë Kufitare, “në luftimin e krimit të organizuar, atij trans-kufitar si dhe mbikëqyrjen dhe kontrollin e kufirit shtetëror”.