Protestojnë mjekët në Gjermani, të pakënaqur me kushtet

Bëhet e ditur se në Renania Veriore Vestfalia (NRW) dhe Rheinland-Pfalz po mbahet grevë nga mjekët e disa klinikave, përcjell albinfo.ch.

Në njoftim për media, thuhet se nuk do të punojnë rreth 1000 mjekë në këto lande.

Shumë prej tyre do të shkojnë në një tubim qendror mbarëkombëtar në Frankfurt, kurse të tjerët do të protestojnë në qytetet e tyre. Mjekët kërkojnë kompensim për inflacionin dhe rritje lineare të pagave nga 2.5 për qind.

Nga greva e sotme janë të prekura spitalet në Bad Oeynhausen, Detmold, Bielefeld, Gelsenkirchen, Marl dhe Neuss në NRW. Në ato do të kryhen sot vetëm operacionet urgjente, kurse intervenimet e tjera do të shtyhen.