Kuriozitete
Sigurimi i të dhënave pasi të vendosni të hiqni një Iphone
Gjiganti teknologjik, Apple, ka publikuar së fundmi një lajmërim se si njerëzit t’i bëjnë disa veprime për t’i siguruar të dhënat e tyre para se të vendosin për ta shitur apo dhënë iPhone-in.
Që të ju ruhen të dhënat dhe të mos keni frikë se s’do të rrezikoheni dhe para se të kaloni në telefonin e ri, duhet të siguroheni se pajisja juaj e mëhershme është e sigurt.
Përse duhet bërë?
Njerëzit që duan të bëjnë keq mund t’i keqpërdorin të dhënat për shumëçka. Apple ka rekomanduar që përdoruesit fillimisht t’i transferojnë të dhënat te pajisja e re, e më pas, nëse munden, t’i fshijnë të gjitha të dhënat nga pajisja e vjetër.
“Nuk duhet që manualisht t’i fshini kontaktet, kalendarët, përkujtuesit, dokumentet, fotografitë apo çfarëdo informate të iCloudit përderisa jeni të kyçur në iCloud me llogarinë tuaj Apple ID”, thotë Apple. “Kjo do t’i fshijë të gjitha nga serverët e iCloudit dhe nga çfarëdo pajisje ku jeni të kyçur në iCloud”.
Për ta siguruar pajisjen dhe veten, përdoruesit duhet të bëjnë “back-up” (arkivim të të dhënave) të pajisjeve të vjetra në iCloud nëpërmjet: “Settings” – “Emri juaj” – “iCloud Backup” (e ndizni). Menjëherë ju bën “ruajtje ditore” të të dhënave, sapo që kyçeni në Wi-Fi. Për ta bërë manualisht mund të klikoni në “Back Up Now”.
Për ta bartur te pajisja e re duhet të bëni: Sapo të ndizet telefoni, të shkoni te “Restore from iCloud Backup” e të kyçeni me llogarinë në Apple ID.
Pasi të siguroheni për të gjithë këtë veprim, kthehuni te pajisja e vjetër në “Settings – General – Transfer or Reset iPhone”. Te kjo klikoni “Erase all Content and Settings”.
Tani pajisja juaj duhet të jetë në gjendje ta largoni pa frikë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?