Lajme
Vdes gruaja e parë në Zvicër që ishte bërë ministre federale, Elisabeth Kopp
Ishte zgjedhur në vitin 1984 dhe kishte dhënë dorëheqjen në vitin 1989 si rezultat i presionit publik...
Ndahet nga jeta ish-këshilltarja federale e FDP-së, Elisabeth Kopp. Gruaja e parë në qeverinë e shtetit zviceran vdiq në moshën 86-vjeçare, ka njoftuar të premten Këshilli Federal, transmeton albinfo.ch. Zonja nga Cyrihu vdiq të “Premten e Madhe”, pas një sëmundjeje të gjatë.
Dorëheqja për shkak të presionit publik
Elisabeth Kopp qe zgjedhur në Këshillin Federal më 2 tetor 1984 në votimin e parë. Në vitin 1989, politikania nga FDP kishte dhënë dorëheqjen nga Bundesrati (Këshilli Federal).
Kjo kishte ndodhur pasi në vitin 1988 qe zbuluar se ajo e kishte telefonuar bashkëshortin e saj duke i kërkuar të tërhiqej nga një kompani për shkak të përfshirjes së mundshme në pastrim parash.
Presioni publik përfundimisht e bindi Kopp të jepte dorëheqjen nga qeveria e shtetit, megjithëse ajo gjithmonë mohonte çdo faj të sajin moral ose ligjor.
Një vit më vonë, Gjykata Federale e pati liruar atë nga akuza për shkelje të sekretit zyrtar.
Elisabeth Kopp ka lindur më 16 dhjetor 1936 në Cyrih. Ajo filloi karrierën e saj politike në vitin 1970 si këshilltare e FDP në komunën Zumikon të Kantonit të Cyrihut, shkruan srf.ch.
Katër vjet më vonë ajo u bë gruaja e parë në kantonin e Cyrihut që u zgjodh kryetare e komunës. Të kujtojmë: Gratë në Zvicër kanë fituar të drejtën e votës në nivel nacional vetëm në vitin 1971. Në vitin 1979 ajo u transferua në Këshillin Kombëtar (Parlamentin e Zvicrës, Dhoma Nacionale).
Në vitin 1984 Kopp qe zgjedhur në qeverinë e shtetit ku ajo kishte pasuar liberalin e Cyrihut Rudolf Friedrich, i cili dha dorëheqjen pas dy vjetësh në detyrë.
Nga viti 1984 deri në vitin 1989 ajo, në kuadrin e Qeverisë Federale ishte drejtuese e Departamentit Federal të Drejtësisë dhe Policisë, transmeton albinfo.ch. Pas dorëheqjes, ajo u ankua për fushatën mediatike dhe mungesën e mbështetjes nga kolegët e saj në Këshillin Federal dhe në partinë e saj.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri