Kosova
Serbët në veri të Kosovës vazhdojnë të mos paguajnë rrymën
Serbët në veri të Kosovës asnjë cent nuk po e paguajnë për shpenzimin e energjisë elektrike. Natyrisht, nga kjo situatë ata as nuk janë në dijeni se është shtrenjtuar energjia elektrike.
Asnjë nga marrëveshjet prej asaj të vitit 2013 dhe me atë shtesë të vitit 2015, por edhe të qershorit të vitit të kaluar, Serbia nuk e ka zbatuar me Kosovën për energjinë elektrike.
Ndërkohë që Qeveria e Kosovës vazhdon të paguajë miliona euro për ta. Pas moszbatimit të marrëveshjes nga Serbia për energjinë elektrike, qytetarët serbë të komunave veriore vazhdojnë të mos e paguajnë asnjë cent për energji elektrike. Madje as nuk janë në dijeni se rryma do të shtrenjtohet për 14% nga muaji prill, kur pritet të aplikohen tarifat e reja të energjisë.
“Kur të më punësojnë, e paguaj rrymën, kurrkush nuk ikën nga pagesa. Prej çka jetojmë ne, të papunë, askush prej familjes nuk punon, as unë, as fëmijët e mi. Me çka ta paguajmë. Le të bëhet sa të dojë, si të tjerët edhe unë”, thotë një qytetar për televizionin publik.
“Nuk është në rregull, deri para dy viteve më kanë ardhur faturat, i kam të gjitha dokumentet, kurrkush s’ka paguar, edhe unë e kam ndërprerë”, shton një tjetër.
“Jo, faturat kanë ardhur, tash jo. Krejt bashkësia ndërkombëtare e di. Kur të merren vesh atje në Bruksel, pastaj e paguajmë të gjithë, s’ka shaka me shtetin, s’është në rregull, po ku e di unë. Ashtu është situata momentalisht, të mos e paguaj”, thotë një qytetar tjetër.
Ndërsa, sipas analistëve nga veriu, momentalisht nuk ka gatishmëri që të paguhet rryma nga serbët e komunave veriore.
“E kanë kuptuar që rryma nuk është prej Zotit, po duhet paguar tek ata të cilët shërben. Tash për tash duket se nuk ekziston atmosfera për atë, sepse jemi në një pozitë ku serbët janë duke dëgjuar vetëm këshilla nga Beogradi zyrtar”, thotë analisti politik serb, Branislav Kërstiq.
Pala serbe nuk e ka zbatuar marrëveshjen për energjinë edhe 10 vjet pas Marrëveshjes teknike që e pati miratuar Kuvendi i Kosovës në prill të vitit 2013 dhe as të marrëveshjes shtesë të vitit 2015.
Hera e fundit, kur Qeveria negocioi për energjinë me Serbinë, ishte qershori i vitit të kaluar kur palët u pajtuan për një udhërrëfyes për zbatimin të marrëveshjeve të energjisë, brenda 100 ditëve, që sërish dështoi të zbatohej.
E-Diaspora
-
Njoftim për bashkatdhetarët: Kanë mbetur vetëm edhe 10 ditë deri në mbylljen e afatit për regjistrimin e popullsisë ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri