Prodhimi i kokainës në botë arrin nivele rekord

Grupet kriminale ballkanike janë afruar më pranë qendrës së prodhimit për të fituar qasje në furnizime ndërkohë që prodhimi global i kokainës ka arritur nivele rekord me rikthimin e kërkesës pas bllokimeve të vendosura për shkak të COVID-19, ka gjetur një raport i ri.

Zyra e OKB-së për Drogën dhe Krimin tha se kultivimi i kokainës u rrit me 35% midis 2020 dhe 2021 në nivele rekord, shkruajnë mediat e huaja.

Gjetjet sugjerojnë se qendra të reja për trafikim janë shfaqur në Afrikën Perëndimore dhe Qendrore.

Raporti tha gjithashtu se trafikantët po përdornin më shpesh shërbimet postare ndërkombëtare për të çuar drogën te konsumatorët.