Futboll
Kryetari i Federatës Zvicerane të Futbollit mbron Xhakën dhe të tjerët: Prindërit e tyre ishin viktima të luftës
Blanc: "Çdo gjë që bën apo nuk bën kapiteni ynë, ekzagjerohet jashtëzakonisht shumë në media. Është e vështirë të kuptohet se çfarë ndodh në mendjen e lojtarëve tanë me rrënjë kosovare, prindërit e të cilëve ishin viktima të luftës"
Kryetari i Federatës së Futbollit të Zvicrës (SFV), Dominique Blanc, thotë se e kupton reagimin e Granit Xhakës (me fanellën e Jasharit) dhe e ka parasysh sfondin e diskriminimit që kanë pësuar shqiptarët nga Serbia, transmeton albinfo.ch.
Festimi i Granit Xhakës me fanellën, ku ishte shkruar emri i bashkëlojtarit të tij, Jashari, kishte ndezur diskutime pas ndeshjes së Zvicrës kundër Serbisë, sepse, sipas pyetjes së bërë nga gazetari i Blick-ut, mund të interpretohet si një gjest politik.
Blanc ka këtë përgjigje: “Para së gjithash duhet thënë këtë: çdo gjë që bën apo nuk bën kapiteni ynë, ekzagjerohet jashtëzakonisht shumë në media. Është e vështirë të kuptohet se çfarë ndodh në mendjen e lojtarëve tanë me rrënjë kosovare, prindërit e të cilëve ishin viktima të luftës”, transmeton albinfo.ch. Por ju duhet ta kuptoni këtë. Edhe pse ne bëmë gjithçka në prag të lojës së Serbisë për t’u siguruar se bëhej fjalë vetëm për futboll, kishte një tension të madh. Granit Xhaka shpjegoi gjestin e tij pas ndeshjes, çfarëdo që do t`i shtohej kësaj, do të ishte e panevojshme”.
Edhe zëra nga diaspora shqiptare e Kosovës në Zvicër thanë se ky ishte qartë një gjest politik…, vazhdon pyetja e gazetarit.
“Shikoni, ne kemi 186 kombësi në SFV. Ne kemi vlera që janë shumë të rëndësishme për ne. Por nëse fillojmë të komentojmë gjeste që mund të kenë qëllim politik, atëherë kësaj nuk do t`i shihej fundi. FIFA nisi një hetim, por nuk e pa të gjithë këtë si gjest politik dhe prandaj nuk na ndëshkoi ne dhe Granitin.
Ndërsa pyetjes nëse do të ketë ngarkesë plitike loja e pritshme e Zvicrës kundër Kosovës, Blanc i përgjigjet:
“Për mua, ndeshjet kundër Kosovës janë duele mes miqsh. Ne kemi një komunitet të madh kosovar në vendin tonë. Është integruar shumë mirë dhe kemi disa lojtarë të kombëtares me rrënjë kosovare, përcjell albinfo.ch. Ne kemi marrëdhënie të mira dhe të ngushta me Kosovën në të gjitha nivelet. Kjo është arsyeja pse dy ndeshjet janë gjithashtu një festë për mua, pavarësisht rëndësisë së tyre sportive”.
Të ngjashme
Të tjera nga Futboll
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?