Kombëtarja e Kosovës për femra fiton turneun miqësor në Turqi

Kombëtarja dardane u shpall kampione e turneut, ndërsa kapitenia Erëleta Memeti u shpall lojtarja më e mirë e turneut. Vendi i dytë u takoi bullgareve.

Kombëtarja e Kosovës në konkurrencën e femrave ka fituar dy çmimet kryesore në kuadër të turneut miqësor “Turkish National Womens Cup Alanya 2023”.

Organizatori në mbrëmjen përmbyllëse të “Turkish National Womens Cup Alanya 2023” ka shpallur më të mirët e turneut, ndërsa Kosova u nderua me dy çmime, raporton Albinfo.ch.

Kombëtarja dardane u shpall kampione e turneut, ndërsa kapitenia Erëleta Memeti u shpall lojtarja më e mirë e turneut. Vendi i dytë u takoi bullgareve.

Përveç kupave, vendi i parë dhe i dytë u stolisen edhe me medalje.

Kosova në këtë turne realizoi tri fitore, duke mposhtur Estoninë (2:1), Hong Kongun (7:0) dhe Bullgarinë (2:1). Ekspedita e Dardaneve kthehet nesër pasdite në Kosovë./Albinfo.ch

---