Lajme
Kompanitë zvicerane investojnë më shumë në asete të qëndrueshme
Tre të katërtat e kompanive zvicerane rritën investimet e tyre në asete të qëndrueshme vitin e kaluar, me fokus kryesisht në masat për rritjen e efikasitetit të energjisë, përcjell albinfo.ch.
Në nivel global, më shumë se 2000 anëtarë të menaxhmentit u anketuan nga konsulentët Deloitte, 75 prej tyre nga kompani zvicerane me një qarkullim vjetor prej më shumë se 500 milionë dollarë (460 milionë CHF) secila.
Më shumë se një në tre prej tyre e konsiderojnë ndryshimin e klimës si një nga prioritetet më të mëdha të këtij viti, tha Deloitte në raportin e saj botuar të hënën. Vetëm problemet e zinxhirit të furnizimit dhe pasiguritë ekonomike janë më të larta në listën e prioriteteve për të anketuarit nga Zvicra.
Tri të katërtat e kompanive zvicerane rritën investimet e tyre në qëndrueshmëri në vitin 2022, në përputhje me mesataren globale. Megjithatë, kur u pyetën se sa serioze janë grupe të caktuara për trajtimin e ndryshimeve klimatike, vetëm 12% e kompanive zvicerane besuan se sektori privat ishte “shumë” serioz (krahasuar me 29% globalisht).
Për sa u përket masave, kompanitë më së shpeshti u fokusuan në makineri me efikasitet energjetik ose miqësor ndaj klimës, një rritje të përgjithshme të efikasitetit të energjisë, trajnimin e punonjësve për ndryshimet klimatike, reduktimin e udhëtimeve ajrore dhe përdorimin e materialeve më të qëndrueshme, përcjell tutje albinfo.ch.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj