Moti shkaktoi vështirësi edhe te shkollat në Zvicër

(KEYSTONE/Jean-Christophe Bott)

Disa shkolla në Zvicër po përballen me vështirësi nga moti i ftohtë.

500 fëmijë në shkollën fillore Geisendorf në Gjenevë u dërguan në shtëpi, pasi kaldaja u prish dhe temperaturat ranë në 9 gradë.

Pasi që prishja ndodhi në fillim të fundjavës – problemi nuk u vu re deri të hënën.

Ngrohja u rregullua dhe shkolla u rihap të nesërmen, përcjell albinfo.ch.

Në Lozanë, 200 studentë në Kolegjin Fillor La Barre dridheshin në klasë për 5 ditë pasi temperaturat nuk arritën të kalonin 14.

Mësuesve iu tha që të mos hapnin dritaret për të mbajtur nxehtësinë që kishte në dhomë – por kjo çoi në një rritje të niveleve të CO2.

Ngrohësit e përkohshëm u instaluan vetëm pasi prindërit kërkuan që qyteti të merrte masa.