Një studim tjetër konfirmon se qiratë në Zvicër po rriten

@pixabay

Mesatarisht, qiratë në gjithë vendin u rritën me 2.8 për qind në vitin 2022, siç raportohet në Indeksin e ri të Qirasë së Homegate të publikuar të martën, përcjell albinfo.ch.

Kjo është më shumë se në të gjitha vitet e mëparshme që nga fillimi i sondazhit më 2009.

“Kjo rritje e fortë është rezultat i një mungese në rritje në tregun e banesave me qira, shoqëruar me një rritje të kostove të ngrohjes dhe shërbimeve komunale”, raportoi studimi.

Qiratë janë rritur në çdo kanton, me disa rritje që tejkalojnë mesataren kombëtare.

Rritja më e madhe – 6.7 për qind – është raportuar në Graubünden, e ndjekur nga Cyrihu (6.2 për qind), Lugano (5.3 për qind), si dhe Bazel dhe Lucerne (3.7 për qind secila).