Megjithëse zyrtarët besojnë se Zvicra ka furnizim të mjaftueshëm me energji për t’i bërë ballë dimrit, autoritetet e Cyrihut njoftuan se do të hiqnin pjesë të kantonit nga rrjeti nëse ndodhin mungesë “ekstreme” të energjisë, përcjell albinfo.ch.
Rrjetet e Cyrihut ndahen në dy nënzona; gjysma e stacioneve do të mbyllen përkohësisht, ndërsa gjysma tjetër do të ketë energji, tha kompania elektrike e kantonit, EKZ.
Megjithatë, listat janë provizore në këtë pikë.
Në rastin e mungesave aktuale, mbylljet do të përshtateshin me situatën specifike. Për më tepër, plani nuk pasqyron të gjithë furnizimin, pasi EKZ nuk është përgjegjëse për të gjitha zonat e kantonit. Qytetet Cyrih dhe Winterthur, për shembull, kanë burimet e tyre.
